"Russie": kiritigɛso dɔ ye san saaba bɔɲɔngɔ kaso ɲangili bin fangasina "Alexei Navalny" kan
04 février 2021 à 09h12
"Natalia Repnikova" ko "Vladmir Poutine" sinacɛba in ye sariya sɔsɔ kadakan a tun ɲangilendon ka kɔrɔ ko wɛrɛ la. O la, a tun yamaruyalentɛ kabɔ a ka so kuma tɛ ka taa dugu wɛrɛ la. Nka ko a ma o sariya ninnu si batɔn. Nka "Navalny" ka nin ɲangili in tɛ ka bɛn diɲɛn jamanabaw ma.
Kabini fangasina "Alexei" in segina kana "Russie" jamana kɔnɔ a ma se ka lafia. A kanubaw fana ka wilikajɔ sen fɛ caman mɛnɛna u cɛma. Kunu yɛrɛ a kiti sen fɛ u dɔ bɔra kana a ka weele jabi, yasa ka jukɔrɔmadondo kɛ, maa 300 ɲɔgɔn de minɛ na ulu fana cɛma. Nin bɛɛ bɛ ka kɛ sababu ye ka "Europe" tɔnba ni "USA" bɛ ka "Russie" marabaw jalaki. Ulu bɛɛ y'u kan bɔ ka fɔ ko fangasina in ka labila teliya kabɔ ni tɔɲɔn in na. I na fɔ "Navalny" yɛrɛ u ko nin bɛɛ ye politiki ko kɛlɛ de ye.
ka fara ulu kan "France" jamana ɲɛma "Emannuel Macron", fana y'a laɲini ko "Alexei Navalny" labila, a ko bɛɛ hakilina tɛ se ka kɛ kelen ye politiki ko la, ko "Russie" marabaw kan ka o ko famuya.
"France,Allemagne, Royaume-Uni", ninnu bɛɛ de ko ɲangili min bin na "Russie" fangasina kan ko sariya ma tigɛ jɛlenya kan.
"Navalny "yɛrɛ kanubaw banbalendon halisa, kunu bɔlɔlɔ sira fɛ caman de ye weele-weele kan bila tuguni k'u bɛna wilikajɔba kɛ tuguni.
Kabi kitiso la "Navalny" yɛrɛ y'a kan bɔ ka fɔ k'u bɛ ka ni bɛɛ kɛ a le la kadakan jaman min b'a le kan, k u b'a fɛ k'ulu lasiran. Nka "Russie" Jamana ɲɛmayaso ka kumalase la "Dimitri Peskov" ko "Navalny" nɔ fɛ ko ma kan ka kɛ sababu ye ka fiyɛn don ulu ka jamana ni jamana si cɛ.
RFI
Se connecter Inscription