"Russie" jamana na, fangasina Alexeï NAVALNY, kanubagaw ye wilikajɔ kɛ

Alexeï NAVALNY, min minɛni don lakanatigilamaw fɛ kabini waati dama dɔ. A kanubaw bɔra ka wilikadjɔ kɛ kunu yasa ka se k'u ka nisɔnkoya jira. Nka Russie  kunnafonidiso dɔw ka fɔ la, mɔgɔ waa 4 ni kɔ de minɛna  tuguni wilkajɔkɛlaw cɛ ma.

Russie fanga sina, Alexeï NAVALNY kanubagaw banbalen don halisa, ko fɔ a ka labila kabɔ kaso la. Kunu u bɔra ka caya tuguni. Nka lakanatigilamaw fana y'u ka fɔlen kɔrɔ waleya, olu fana carila jamana in fan caman. Ka siraw datugu wilikajɔlaw ɲɛ ani ka jama kafoyɔrɔw bɛ minɛn.  

O y'a to wilikajɔkɛlaw  tun kun dalen bɛ yɔrɔ fɔlɔ min kan, u labana ka sirafalen k'u ɲɛsin Alexeï NAVALNY datugulen don kasobo min yɛrɛ la. Nka o fana ma nɔgɔya, maa baa kɛmɛ nani ni kɔ de minɛna u cɛma. Diɲɛ jamana caman ye "Russie" marabaw jalaki ka kɛɲɛni lakanatigilamaw ka waleyaw ye.

"Etats Unis" ka kɔkan ko minisiri "Antony Blinken" ko nin tɛ ko kɛ ta ye, kataga wilikajɔ kɛlaw minɛ fanga la tan, ko "Russie" marabaw sera sabali ye. Nka "Russie" marabaw jabi teliyala, u ko nin ko in foyi tɛ "USA" ɲɛsirala. K'olu ka jamana kɔnɔ ko de do.

Alexeï NAVALNY yɛrɛ kan ka tɛmɛ tuguni kitilaw ɲɛma. Nka a yɛrɛ k'a le minɛli tɛ fosi ye politiki ko bɛnbɛnbɛn kɔ. A kanubaw caman ka fɔla nin ye ko daminɛn de ye, fosi tɛna a to olu ka nin ko in dabila fɔ Navalny ka labila.

RFI

Commentaires(0)