Mali : cɛmancɛ-fanga ɲɛmɔgɔ Bah N’Daw bɛ taama la Fransi kabi taratalon

A ni yen kuntigi Emmanuel Macron ye ɲɔngɔnye kunu araba Fransi jamanakuntigiso Elysée la. Bah N’Daw ka taama in kun dɔ ye ka G5 Sahel jamanaw ka lajɛrɛ nata labɛn. N’o ka kan ka sigi yani lɔgɔkun saba.

Nin taama tɛ gwansan ye bawu a siyen fɔlɔ le ye ni ye Mali cɛmancɛ-fanga ɲɛmɔgɔ bɛ ka bisimila jamana wɛrɛ la min tɛ Cedeao kɔnɔ. O ye fɛɛrɛ ye Fransi fɛ ka Bah N’Daw ka fanga lakolon Mali kunna. A ma fɔ ni fransi y’o lakolonli kɔsegin ɲini mali fɛ. Nka sorasiw tun ye ton min sigi, CNSP, o cili tun nyinina cedeao fè, o sabatira.

Jamana ɲɛmɔgɔ fila ninnu tun t’u kelen na. Florence Parly fransi kɛlɛbolow minisiri, ka fara kɔkanko minsiri Jean-Yves Le drian kan, olu fana y’u niyɔrɔ ta ɲɔgɔnye in na. Bah N’Daw fana nana n’a ka minisir saba ye…Kɔkanko minisiri Zeini Moulaye ; kaana minisiri ani jamana kɔnɔna-mara minisiri, colonel Sadio Camara ni colonel Abdoulaye Maïga.

Kuma kun kɛra sahel jamanaw ka lajɛrɛ nata ye. N’o bololani bɛ février kalo nata tere 15 an’a tere 16, N’Djamena, Tchad faaba la.

Ka lakanako b’o a la, u da sera fana Fransi ni Mali ka baaraɲɔgɔnya man sɔrɔko fan fɛ.

RFI

Commentaires(0)