"Europe" tɔnba ka kɔkan ko ɲanabɔla Joseph Borrel ye taama kɛ "Russie" Alexei Navalny ka ko kan
12 février 2021 à 08h34
Dɔgɔkun tɛmɛnen, "Europe" tɔnba ka kɔkan ko ɲanabɔla Joseph Borrel tara "Russie" jamana kɔnɔ sanko ka kumaɲɔgonya kɛ ni jamana marabaw ye fangasi Alexei Navalny nɔminɛli ko kan.
O taama kɔ, a ya laɲini "Europe" jamana ɲamaw fɛ k'u ka ɲanki bɛn Russie jamana kan. Nka tama in ma bɛn "Europe" wasaden dɔw ma, olu yɛrɛ ko fɔ Joseph Borrell ka baara bila.
"Russie marabaw bɛ ka fanga bilen de yira, hinɛ fosi de t'u dusula Navalny ko la. A ka kan ɲangi ka boloda. O ye Europe tɔnba ka kɔkan ko ɲanabɔla".
Nin ye Joseph Borrel kuma kan ye a segini kɔ ka bɔ Russie jamana kɔnɔ.
Ale kun tara lɔgɔkun tɛmɛni na jamana in kɔnɔ sanko ka kumaɲɔgonya kɛ ni Russie ɲamaw ye Alexei Navalny ko kan. Russie fangasina in ka kiri kɔ, kaso la ɲangi bɛn na a kan. Joseph Borrell ma se k'a a ɲada cɛ in kan kaso la i n'a fɔ ale kun ya laɲini cɔgɔmi.
"Europ" tɔn ka ciden saaba yɛrɛ gwin na ka bɔ Russie jamana kɔnɔ o sen kɔrɔ.
Joseph Borrell ka Russie taama tɛmɛcɔgɔ ma bɛn fehu "Europe" tɔnba wasaden dɔw ma. Olu fɛ, a tara "Europe" bɛ le malo taama in fɛ. Wasaden nunnu y'a laɲinin a fɛ k'a ka baara bila. O kɔfɛ u tilara ka ɲini a ɲama Charles Michel fɛ a ka bɔ baarala. Nka ale ko a ka danaya b'a kan.
"Europe" tɔnba jamana dɔw ka kɔkan minisiri kun m'a jɛ ni Joseph Borrell ka Russie taga ye.
Se connecter Inscription